«Кытай-Кыргызстан-Өзбекстан» өлкөлөрүн аралап өткөн темир жол долбоору 4 миллиард адамды бириктирет деп билдирди Садыр Жапаров Баку шаарында өткөн БУУнун Борбордук Азия экономикалары үчүн Атайын программасынын (СПЕКА) мамлекет башчыларынын саммитинде сөз сүйлөп жатып.
Президент Эл аралык транспорттук коридорлорду диверсификациялоо биздин өлкө үчүн актуалдуу бойдон калып жатканын айтты.
«Кытай-Кыргызстан-Өзбекстан темир жолун куруунун стратегиялык долбоору өзгөчө мааниге ээ. Бул мега-долбоорду кыска жол менен ишке ашыруу биздин аймакты транспорттук туңгуюктан алып чыгат, болжол менен 4 миллиард адамды бириктирет, Азиядан Түркия аркылуу Европага, Жакынкы Чыгыш аймагына, Иранга, Перс булуңундагы өлкөлөргө жана Түндүк Африкага ташуулардын географиясын кеңейтет», — деди ал.