26-апрелге караган түнү Чүй, Жалал-Абад, Баткен, Ысык-Көл, Нарын облустарынын көпчүлүк аймактарында, Талас, Ош облустарынын айрым жерлеринде жаан-чачын болот. Бийик тоолуу жерге кар түшөт. Күндүз көпчүлүк аймактарда жамгыр жаайт. Абанын температурасы: Чүй өрөөнүндө түнкүсүн 7…12, күндүз 17…22, Талас жергесинде түнкүсүн 5…10, күндүз 15…20, Баткен, Ош, Жалал-Абад облустарында түнкүсүн 11…16, күндүз 18…23, […]

Кыргызстандын тоолуу райондорунда сел жүрүшү күтүлөт. Бул тууралуу Өзгөчо кырдаалдар министрлигинен билдиришти. Маалыматка ылайык, 25-26-апрель күндөрү туруксуз аба ырайынын жана күтүлүп жаткан нөшөрлүү жаан чачынга байланыштуу республиканын тоолуу райондорунда сел жүрүшү, дарыяларда суунун деңгээли көтөрүлүшү күтүлөт. ӨКМ жарандарга арыктарды, суу өткөрүү түтүктөрдү жана дренаждык түйүндөрдү тазалоо иш-чараларын жүргүзүүнү сунуштайт.

Кыргызстанда 2024-жылдын 1-апрелине карата жумуш издеп мамлекеттик иш менен камсыз кылуу кызматында каттоодо турган жумушсуздардын саны 84 миң адамды түздү. Бул тууралуу Улуттук статистикалык комитеттин материалында айтылат. Документке ылайык, бул көрсөткүч өткөн жылдын ушул күнүнө салыштырмалуу 15%га аз, анын ичинен 61,7 миң адам жумушсуз катталган, же 17,3% аз. Катталган жумушсуздардын […]

УКМКнын Чек ара кызматынын маалыматына караганда, «Каркыра-автожол» көзөмөл-өткөрүү пунктунда унааларды эсепке алуунун бирдиктүү системасы иштебей калды. Учурда системаны оңдоо иштери жүрүп жатат. Система кечээ, 24-апрель күнү түшкү саат 15:30 дар чамасында иштен чыккан.

Россиянын Саламаттыкты сактоо министрлиги курч респиратордук вирустук инфекциялар (ОРВИ) менен ооруган бойго жеткен бейтаптарга жардам көрсөтүүнүн жаңы стандартын бекитти. Документтин жаңыланган вариантынан антибиотиктерди жана синтетикалык гормондорду алып салды. Буйрук укуктук маалымат порталында жарыяланды.

Кыргызстанда быйыл Орозо айында 57 млн 467 миң 895 сом битир-садага (садака) чогулду. Бул тууралуу муфтияттын басма сөз кызматы билдирди. Муфтияттын башкы эсепчиси Толкунбек Жумановдун айтымында, анын 60%ы жергиликтүү мечиттерге, 30%ы райондук хатибияттарга жана облустук казыяттарга, 10%ы муфтияттын эсебине түшкөн. Белгиленгендей, каражат жардам сурап кайрылгандарга, ошондой эле жетим-жесирлерге бөлүштүрүлөт.