Казакстандын Караганды облусундагы Костенко атындагы шахтада каза болгондордун саны 46га жетти.
Акыркы шахтёрдун сөөгү Костенко шахтасынан 30-октябрда эртең менен табылды.
Караганда облусундагы Костенко шахтасында 28-октябрга караган түнү жарылуу болгон. Кырсык учурунда жер астында 252 кенчи болгону, алардын 206сы өз алдынча чыгып кеткени кабарланган. Калгандары сыртка чыга албай калган.
Шахтадагы жарылууга байланыштуу Казакстанда 29-октябрь – жалпы улуттук аза күтүү күнү деп жарыяланган.