Израилдин Коргоо күчтөрү Газа тилкесинин түндүгүндө ХАМАС согушкерлеринин атышууларынан бир нече жоокер жеңил жарадар болгонун билдирди.
Израил армиясы 28-ноябрдагы окуяны макулдашылган ок атышууну токтотуу линияларында болгонун билдирүүдө.
Өз кезегинде палестиналык ХАМАС тобу Израилди Газадагы ок атышпоо келишимин одоно бузуп жатканга айыптады.
Газада ок атышпоо режими 24-ноябрда эртең менен иштеп, төрт күнгө созулду. Келишимге ылайык, ХАМАС барымтадагы 50 кишини, ал эми Израил абактагы 150 палестиналыкты бошотушу керек болчу. 27-ноябрда тараптар элдешүү мөөнөтүн дагы эки күнгө узартууну макулдашкан. Бул убакыттын ичинде ХАМАС барымтадагылардын арасынан дагы 20 аял менен баланы бошотууга тийиш.
