Эл аралык футбол федерациясынын (ФИФА) президенти Жанни Инфантино расмий иш сапары менен Дүйшөмбүгө барып, анын алкагында Тажикстандын президенти Эмомали Рахмон менен жолугушту.
«Жолугушуунун жүрүшүндө Тажикстан менен ФИФАнын жана Азия футбол конфедерациясынын ортосундагы кызматташуунун келечеги талкууланды», – деп билдирди Тажикстандын футбол федерациясынын басма сөз кызматы.
Тараптар Тажикстандын футболунун инфраструктуралык базасын мындан ары жакшыртуу маселелерин, жаштар жана аялдар футболун, ошондой эле футзалды өнүктүрүүнүн келечегин талкуулашты.
