Үстүбүздөгү жылдын 17-21-ноябрында залкар жазуучу Чыңгыз Айтматовдун 95 жылдыгына арналган Бишкек Эл аралык кинофестивалы өтөт. Иш-чаранын расмий эн тамгасы тандалды.
Маданият, маалымат, спорт жана жаштар саясаты министрлигинен маалыматына караганда аны жаш дизайнер Нуриза Көчкөнбаева иштеп чыккан.
Мындан ары бул логотип I Бишкек Эл аралык кинофестивалынын расмий логотиби катары бардык иш-чараларда, маалыматтык булактарында пайдаланылат.
Белгилей кетсек, Маданият, маалымат, спорт жана жаштар саясаты министрлиги аталган кинофестивалдын логотибине сынак жарыялаган. Ага 16 креативдүү топ катышкан. Жыйынтыгында Нуриза Көчкөнбаева тарабынан жасалган логотип жеңүүчү деп табылган. Анда кинонун духу жана Кыргызстандын борбор калаасы болгон Бишкектин символикасы мыкты чагылдырылышы менен тандалып алынды.
