Камактагы саясатчы Адахан Мадумаровдун иши тергелип бүтүп, сотко жөнөтүлдү. Бул тууралуу маалымат жыйында Мадумаровдун жактоочусу Ольга Жукова билдирди.
Мындан сырткары ал 15 томдон турган иштин материалдары менен толук кандуу таанышууга тергөөчү уруксат бербегенин кошумчалады.
Дагы бир жактоочу Кубанычбек Туманов Мадумаровдун ден соолугу боюнча маалымат берип, анын жүрөгүнө стент койдуруу керектигин дарыгерлер айтышкандыгын кошумчалады.
«Мадумаровго жүрөгүн текшерген убактылуу медицинадык аппарат тагылган, УКМКнын бейтапканасынын кардиологу тезинен операция жасоо керектигин айткан. Бирок биз ушул күнгө чейин Мадумаровду ооруканага чыгарып, ден соолугун карата албай жатабыз”, — деди Туманов.
