Россия Федерация кеңешинин төрайымы Валентина Матвиенко үчүнчү баласы төрөлгөн үй-бүлөлөргө батир берүү демилгесин көтөрдү.
Бул тууралуу Валентина Матвиенко парламенттик угууда билдирди. Саясатчы Санкт-Петербургда губернатор болуп турганда үй-бүлөлөр үчүнчү баласы төрөлгөндө батир алуу үчүн кезекке турушканын эске салды.
Буга чейин Валентина Матвиенко көп балалуу үй-бүлөлөрдү жеке киреше салыгын төлөөдөн бошотууну сунуштаган. Ошондой эле ал неберелерин тарбиялоо жана багуу менен алектенген чоң ата, чоң энелерге колдоо көрсөтүү чараларын ойлонууга чакырган.