Франциянын президенти Эммануэль Макрон расмий сапар менен Казакстанга келди.
Борбор калаанын аэропортунда Франциянын башчысын Казакстан Республикасынын Премьер-министри Алихан Смаилов тосуп алды.
Казакстандын президенти Касым-Жомарт Токаев Акордада кесиптеши менен учурашып, жолугушууга келген өкмөт мүчөлөрү менен тааныштырды.
Франциянын президентин расмий тосуп алуу аземи болду. Меймандар үчүн республиканын мамлекеттик желегинин түсүндөгү көк килем даярдалды. Президенттик оркестр эки өлкөнүн мамлекеттик гимндерин аткарды. Андан соң эки өлкөнүн башчылары республиканын мамлекеттик желегин көздөй басышты.
Франция лидеринин Казакстанга сапары бир күнгө созулат. Андан кийин Өзбекстанга барат.
