УКМК Азим Ройдун жубайына издөө жарыялады

Автор

КР Улуттук коопсуздук боюнча мамлекеттик комитети (УКМК) тарабынан «мыйзамдагы ууру» аталган Камчы Асанбектин (Көлбаев) өкүл атасы, жеке ишкер Азим Ройдун жубайына издөө жарыяланды.
УКМКнын маалыматына караганда, мыйзамдагы ууру К.Асанбек жана криминалдык элемент Азим Рой тарабынан кылмыштуу кирешелерди легалдаштыруу/адалдоо фактысы аныкталды.
Тактап айтканда, К.Асанбек менен Азим Рой “L.А.” жана «R» ЖЧКсын негиздеп, Бишкек шаарынан жер тилке каттатып, ага кеңселери жана кампалары бар коммерциялык имарат курушкан. Ошол эле учурда К.Асанбек жана Азим Рой өздөрүнүн иш жүзүндөгү ээликтерин жашыруу максатында аталган ишканалардын акцияларын жакын туугандарынын атына, анын ичинде Азим Ройдун жубайы – Н.З.Х.га катташкан.
Мындан тышкары, сатып алуу булактарынын мыйзамдуулугун берүү үчүн уюштуруу курамына чет өлкөлүк инвестор деген ат менен Азим Ройдун аффилирленген адамы, Литва Республикасынын жараны К.Г. киргизилген.
Кылмыш ишин иликтөөнүн жүрүшүндө башка уюштуруучулар аталган кыймылсыз мүлк Азим Рой менен К.Асанбекке таандык экендигин тастыкташты.
2024-жылдын 20-мартында кылмыштуу кирешелерди легалдаштыруу/адалдоо фактысы боюнча Азим Ройдун жубайы Н.З.Х.га (сыртынан) айып тагылып издөөгө алынды.
Учурда тергөө иштери жүрүп жатат.

Бөлүшүү:
Next Post

Мигранттарга келишим мөөнөтү чектелиши мүмкүн

Россия Федерациясынын Эмгек жана социалдык коргоо министрлиги мигранттар менен эмгек келишимин түзүүнүн максималдуу мөөнөтүн караган мыйзам долбоорун даярдады. Бөлүм аны эки жыл менен чектөөнү сунуштады. «Чет өлкөлүк жаранга жумушка уруксат аны менен түзүлгөн эмгек келишиминин негизинде, бирок, эки жылдан ашпаган мөөнөткө берилет»,-деп айтылат мыйзам долбоорунда. Тиешелүү документ буга чейин ченемдик […]

Сизге жагышы мүмкүн