Коомдогу терс көрүнүш боюнча маселе козгогон депутат Жалалидин Нурбаев өткөн жумада сахнадагы жылаңач баланы жуундурган спектаклди сынга алды. Бул тууралуу эл өкүлү бүгүнкү Жогорку Кеңештин жалпы жыйынында билдирди.
“Мына кечээ бир бөбөк өз ата – энесинин колунан көз жумду. Биз 80 пайызы мусулман өлкөдө жашайбыз. Бирок, бүгүн коом кайда баратат”,- деди депутат. Министрлер кабинетинин төрага орун басары Эдил Байсалов тейлеген социалдык блокто ушундай тири укмуш көрүнүштөр болуп жатканын айтып, буга ким жооп берет деп сурады.
