Жогорку Кеӊештин Социалдык саясат комитети “Кыргыз Республикасынын 2024-жылга республикалык бюджети жана 2025-2026-жылдарга пландаштыруу мезгили жөнүндө” мыйзам долбоорун биринчи окууда карап, жактырды.
Жыйында депутат Шайлообек Атазов спорт тармагына бюджетти бекитүүдө 2024-жылы Парижде Олимпиада оюндарына керектүү каражатты кечиктирбей бөлүп берүүнү айтты.
Ал эми министрлер кабинетинин төрагасынын орун басары Адылбек Касымалиев 2024-жылы өтө турган Олимпиада оюндарына катышуу үчүн 100 млн сом бөлүнгөнүн билдирди.
Эскерте кетсек, Парижде өтүүчү Олимпиада оюндарына спортчулар Айпери Медет кызы менен Айсулуу Тыныбекова, сууда сүзүүчү Денис Петрашов, балбандар Акжол Махмудов, Жоламан Шаршебековдор жолдомо алышкан.