Көркөм муз тебүүчү Илья Малинин рекорд коюп, дүйнө чемпиондугун жеңип алды. Америкалык көркөм муз тебүүчү Илья Малинин эркин коньки тебүүдө дүйнөлүк рекорд коюп, Монреалда өткөн дүйнө чемпионатында жеңишке жетти.
Эки программанын суммасы боюнча Малинин 333,76 упай (кыска программада 105,97, эркин программада 227,79) алган. Америкалык эркин программада алты жолу төрт жолу секирип, анын ичинде төрттүк акселди аткарды.
Эркин программада упай топтоо боюнча мурунку рекорд америкалык Нэтан Ченге (224,92) таандык.
Экинчи орунду япониялык Юма Кагияма (309,65), үчүнчүнү француз Адам Сяо Хим Фа (284,39) ээледи.
Малинин АКШда көркөм муз тебүүчү Татьяна Малинина менен Роман Скорняковдордун үй-бүлөсүндө туулган. Спортчулар Россиянын жарандары, 1990-жылдары Өзбекстандын атынан чыга башташкан, 1998-жылдан бери АКШда жашашат.
27-мартта күтүлгөн аба ырайы
27-мартта түнкүсүн Баткен облусунун айрым жерлеринде жаан, Жалал-Абад облусунун тоолуу райондорунда кар жаашы мүмкүн. Күндүз Чүй, Талас, Баткен облустарынын айрым жерлеринде жаан, Жалал-Абад облусунун тоолуу райондорунда кар жаашы ыктымал. Жалал-Абаддын дыйканчылык аймактарында жана Ош, Ысык-Көл, Нарын облустарында жаан жаабайт. Тоолуу райондордо жолдор тоңголок жана тайгак болот. Абанын температурасы: Чүй өрөөнүндө […]
