Кыргызстан боюнча 250 мамлекеттик дарыканалар ачылат. Дары дармектердин баасы 30 пайызга чейин арзандатылат. Мындай маалыматты саламаттык сактоо министри Алымкадыр Бейшеналиев билдирди.
“Биз дарыларды өндүрүүчүлөрдөн түз алганыбыз үчүн учурда жеке дарыканаларга караганда мамлекеттик дарыканаларда 20-25 пайызга арзан. Айрым дарыканаларда дарылардын мөөнөтү өтүп кеткенин байкадык. Мындан ары ким мындайга жол берсе, катуу жоопко тартылат”,- деди министр.
Ал кечээ, Ош шаарында “Эл аман” деп аталган 2 мамлекеттик дарыкана ачты.