Олимпиада оюндарын уткандарга 10 миллион сом берүү каралып жатат. Бул тууралуу бүгүн, 23-ноябрда Министрлер кабинетинин төрагасы Акылбек Жапаров, 2022-жылга республикалык бюджеттин аткарылышы, 2023-жылдын бюджетине өзгөртүүлөрдү киргизүү боюнча Жогорку Кеңештин жыйынында жасаган отчетунда билдирди.
Жапаровдун айтымында, 2024-жылга спортко 1 миллиард 747 миллион сом каралган.
Ал эми Азия оюндарында биринчи орунду алгандарга 1 миллион 200 миң сом, Дүйнө чемпиону болгондорго 1 миллион, Олимпиада оюндарын уткандарга 10 миллион сом берилери айтылды.