Бразилиялык чабуулчу Неймар Саудиянын “Аль-Хилал” клубунан сунуш алды. Бул тууралуу чет элдик спорт басылмалары жазууда.
Маалыматка ылайык, бул трансфер ишке аша турган болсо футболчу 600 миллион евро таба алат.
“Аль-Хилал” ПСЖнын 31 жаштагы чабуулчусу Неймарга абдан кирешелүү келишим сунуштоого даяр. Оюнчу өзү ойлонууга убакыт алды.
Аль-Хилал Неймарга жылдык маяна 200 миллион евролук үч жылдык келишимди сунуштаган. Футболчу макул болсо, жалпысынан 600 миллион алат. Неймардын “Пари Сен-Жермен” менен келишими 2025-жылдын июнь айына чейин түзүлгөн.
Эске салсак, 2017-жылы Неймарды “Пари Сен-Жермен” “Барселонадан” рекорддук 222 миллион еврого сатып алган. Бразилиялык футболчу 4 жолу Франциянын чемпиону, 3 жолу Кубок жана бир жолу өлкөнүн Суперкубогу жеңип алган.
