Америкалык “Интер Майами” жана Аргентина курама командасынын чабуулчусу Лионель Месси кезектеги “Алтын топту” утуп алгандан кийин карьерасын калтыруу жөнүндө олуттуу ойлонуп жаткандай. Бул тууралуу чет элдик спорт басылмалары жар салды.
Атактуу футболчу мындай деди: “Бул менин акыркы жылдарым экенин билем, кийин футболду абдан сагынаарымды түшүнөм, анткени канчалык башка иштер менен алектенсем да, өмүр бою азыркы ишимдей болбойт” , – деп жазган TNT Sports .
Ушул аптада ал “Алтын топ” сыйлыгын рекорддук 8-ирет алды. Месси буга чейин Барселонага кайтпай турганын айткан. Ал каталондук клубда 2003-жылдан 2021-жылга чейин ойногон, андан кийин Париж Сен-Жерменде эки сезон өткөрүп, ушул жайда MLS Интер Майамиге кошулган.