Кыргызстандык сегиз балбан Париж Олимпиадасына жолдомо алуу үчүн күч сынашат. Бул тууралуу Дүйнөлүк күрөш уюмунун сайтында жарыяланды.
Маалыматка ылайык, дүйнөлүк олимпиадалык квалификациялык турнир Түркиянын Стамбул шаарында 9-майда башталат. Анда Олимпиада оюндарына жолдомолор ойнотулат. Мелдеште ар бир салмак боюнча үч балбанга лицензия берилет.
Кыргызстандын атынан бул турнирге 8 спортчу катышат:
Кыз-келиндер күрөшү боюнча:
– Сезим Жуманазарова – 57 кг.
Грек-рим күрөшү боюнча:
– Азат Салидинов – 87 кг;
– Үзүр Жусупбеков – 97 кг;
– Роман Ким – 130 кг.
Эркин күрөш боюнча:
– Орозобек Токтомамбетов – 74 кг;
– Атай Изабеков -86 кг;
– Андрей Аронов – 97 кг;
– Айаал Лазарев – 125 кг.
Эл аралык турнирде грек-рим күрөшү боюнча балбандар килемге биринчилерден болуп чыгышмакчы.
Учурда Кыргызстандын куржунунда Олимпиада оюндарына жалпы 9 лицензия бар.
Володимир Зеленский менен Дэвид Камерон жолугушту
Англиянын тышкы иштер министри Дэвид Камерон Украинада президент Володимир Зеленский менен жолугушту. Ал “Англиядан келген курал – жарактар менен Орусиянын куралдуу кол салуусуна татыктуу жооп берүүгө болот”,- деп билдирди. Ал эми Кремлдин маалымат катчысы Дмитрий Песков “Дэвид Камерон от менен ойноп жатат. Анын айтканы жакшылыкка алып барбайт”,- деди. Бөлүшүү:
