Кыргызстандын футбол боюнча чемпионатында 10 клуб ат салышат

Кыргызстандын футбол союзунун кеңсесинде жаңы шайланган КФУнун аткаруу комитетинин биринчи отуруму болуп өттү. Бул тууралуу Уюмдун басма сөз кызматы билдирди.
Маалыматка ылайык, жыйындын жүрүшүндө 2024-жылдын сезонуна карата Жогорку Лига командалары арасындагы футбол боюнча Кыргызстандын чемпионатына катышуучулардын курамы бекитилди.
Чечимге ылайык, былтыркы чемпионатта ат салышкан 10 клубдун курамы өзгөрүүсүз калды.
Эскерте кетсек, Кыргызстандын футбол боюнча 2023-сезондун чемпиону финишке бир тур калганда жана экинчи жолу катары менен Канттын «Абдыш-Ата» клубу аталды – 57 упай. Экинчи орунда “Алай” – 51, үчүнчү орунда “Дордой” – 50.
Кийинкилер: “Алга” – 44, “Мурас Юнайтед” – 42, “Талант” – 34, “Нефтчи” – 32, “Илбирс” – 26, “ОшМУ-Алдиер” – 23 жана “Кара-Балта” – 13 .