Бишкек шаардык мэриясы төртүнчү чейректен баштап, мектептерде укук бузуулардын алдын алуу боюнча укук коргоо органдары менен иш алып бараарын билдирди. Буга себеп катары, окуучулардын арасында “ЧВК Редан” кыймылына мүчө болгондор күн сайын көбөйүп жатканы көрсөтүлдү. Ошондуктан өспүрүмдөрдү окуудан кийин көзөмөлдөөнүн зарылдыгы белгиленип, керектүү учурда мобилдик тиркемелерди орнотуу аркылуу ата – энелери да балдарына баам салып турушу керек.
“ЧВК Редан” 10-11-класстагылардын аниме сүйүүчүлөр бирикмеси. Алар өздөрүн “Реданчыларбыз” – деп, 12 буттуу жөргөмүштүн же, 4 сан түшүрүлгөн кийимдерди кийип жүрүшөт. Мындай кийимдерди Жапониядагы Хисока аттуу согушкерлер кийет.
