Дан эгиндеринин айдоо аянты (буурчак, күрүч жана кара күрүчтү кошпогондо) өткөн жылга салыштырмалуу 7 миң гектарга, же 1,2%га көбөйүп, 585,4 миң гектарды түздү. Бул тууралуу Улуттук статистикалык комитети билдирди.
Маалыматка ылайык, быйыл 232,1 миң гектар аянтка буудай эгилген, бул 1,6 миң гектарга, же 0,7%га аз. Арпа 239,2 миң гектар аянтка себилген. Бул 3,1 миң гектарга, же 1,3%га көп.
Дан үчүн жүгөрү айдоо аянттары 5,3%га көбөйүп, анын айдоо аянты 113,3 миң гектарды түздү.
