Рио-де-Жанейродогу “Маракана” стадионунун трибунасында Бразилия менен Аргентина курама командаларынын 2026-жылы өтүүчү футбол боюнча дүйнө чемпионатына тандоо матчында массалык мушташ чыкты.
Бразилиянын гимни ойнолуп жаткан учурда командалардын күйөрмандары бири-бири менен мушташа башташкан, андан соң жергиликтүү полиция кырдаалга кийлигишип, зомбулук көрсөткөн футбол күйөрмандарын таяк менен тынчыта баштаган. Натыйжада беттештин башталышы жарым саатка кечигип калды.
Окуяга эмне түрткү болгону белгисиз, бирок трибунада башаламандык өкүм сүрүп, конок капитан Лионель Месси командасын талаадан алып чыгууга аргасыз болду.
Оюн 1:0 эсебинде Аргентина жениши менен аяктады.