Эркектер аялдын назик, сезимтал, жароокер болгонун жактырышат. Орой болбоңуз жанан көп даттана бербеңиз. Ошондуктан бул жөнүндө пайдалуу кеңештерди сунуш кылабыз.
Акылдуу болуңуз
Идеалдуу аял акылдуу болууга тийиш, бирок анысын жашыра билүү керек. Күйөөңүздү өзүңүздүн акылдуулугуңуз менен басынтпаңыз жана аңкоолугуңуз менен кыжырдантпаңыз.
Жаман адаттардан баш тартыңыз
Тамеки чекпеңиз, ичимдик ичпеңиз, мас аялдан өткөн жаман нерсе жок. Бул зыяндуу адаттар, албетте, сизди идеалдуу кылбайт. Анан да эч кайсы эркек өзүнүн аялынын, келечектеги балдарынын энесинин зыяндуу адаттарга ээ болушун каалабайт.
Эркектердин баары идеалдуу аялдары аларга идеалдуу балдарды төрөп беришин, аларды тарбиялашын каалашат. Андыктан, үй оокаттарын жасоодон, бала төрөп эне болуудан эч качан баш тартпаныз.