Жогорку Кеңештин депутаты Шайлообек Атазов өлкөдөгү жол кыймылындагы кырсыктар боюнча маселени бүгүн, 18-октябрдагы парламенттин жалпы жыйынына алып чыкты.
Ал башкы МАИни чакырып, ушул багытта суроо-жооп уюштурууну жана кырсыктын алдын алуу чараларын талкулоону сунуштады. “Карап көрсөк, кырсыктардан улам 3-4 адам бир эле мезгилде көз жумуп жатат, бул элибиз үчүн чоң жоготуу. Мунун алдын алыш керек”,- деди депутат.
Сунушту төрага Нурлан Шакиев колдоп, “Туура айтасыз, бул маанилүү көйгөй. Кийинки жумага ички иштер министрлигинин тийиштүү жетекчилерин чакырып, жалпылап талкуулайлы, макул болсоңуз”,- деп жооп берди.