Кыргыз Республикасынын эл артисти, белгилүү кинорежиссёр Актан Арым Кубатка Франциянын Искусство жана адабият орденинин кавалери наамы тапшырылды.
Сыйлыкты Франциянын Кыргызстандагы ыйгарым укуктуу элчиси Франсуа Делаус тапшырган.
Өз кезегинде режиссёр Актан Арым Кубат чыгармачылыгына берилген баа үчүн Франция элине жана элчи Франсуа Делауска ыраазычылык билдирди.
Сыйлык тапшыруу аземине көрүнүктүү кино ишмерлери, маданият өкүлдөрү, элчиликтин кызматкерлери жана искусство сүйүүчүлөрү катышты.