Сербиянын Белград шаарында өтүп жаткан кыз-келиндер күрөшү боюнча Дүйнө чемпионатында кыргызстандык Айпери Медет кызы финалга чыгып, 2024-жылкы Париж Олимпиадасына жолдомону алды. Бул Олимпиада оюндарына алынган Кыргызстандын куржунундагы биринчи жолдомо.
Медет кызы 76 килограмм салмакта финалга чыкканга чейин төрт атаандашын утту. Алгач румыниялык Каталина Акцентени 11:0, 1/8 финалда беларустук Анастасия Зимиянкованы 10:0, чейрек финалда канадалык Жастина Динай Де Стасиону 11:0 жана жарым финалда колумбиялык Татиана Рентерианы 4:2 эсебинде утуп келе жатып, далысын килемге басты.
Бүгүн, 20-сентябрда жапониялык Юка Кагами менен алтын үчүн беттешет.
Беттештер Бишкек убактысы боюнча саат 22:30 да башталат.
Белгилей кетсек, Айпери Медет кызы алгачкылардан болуп кыз-келиндер күрөшү боюнча Олимпиада оюндарына жолдомо алды.
