Кыргызстандын ушу-саньда боюнча улуттук курама командасынын мүчөсү Темирлан Аманкулов Азия оюндарында коло медаль утту. Бул тууралуу Дене тарбия жана спорт департаментинен билдиришти.
Маалыматка ылайык, Кытайда өтүп жаткан XIX жайкы Азия оюндарында кыргызстандык спортчу 75 кг салмак ченинде катышты.
Темирлан Аманкулов чейрек финалда монголиялык спортчуну упайлардын көптүк эсеби менен жеңип, жарым финалга чыккан. Ал эми жарым финалдык беттеште ал кытайлык спортчуга жеңилип калган.
Белгилей кетсек, бул Кыргызстан курама командасынын Азия оюндарындагы үчүнчү медалы. Буга чейин дзюдочу Эрлан Шеров алтын медаль жеңсе, Авазбек Аманбеков ушу-саньда боюнча коло медалга тагынган.
