12°
Париждин бешинчи округунда — шаардын эң эски районунда күчтүү жарылуу болду. Алдын ала маалыматтар боюнча, жарылуунун эпицентри Париждеги Америка академиясынын имараты, 1965-жылы негизделген жеке мода мектеби болгон.
Жардыруудан кийин имарат урап, өрт чыккан. Өрт коңшу имараттарга да өткөнүн Франциянын премьер-министри Элизабет Борн билдирди.
BFM телеканалынын маалыматына караганда, 16 адам ар кандай жаракаттарды алышкан, алардын жетөөнүн абалы оор.
Окуя болгон жерге 230 өрт өчүрүүчү жана тогуз дарыгер келген. Париждин прокуратурасы окуянын чоо-жайын иликтөөгө киришти.
