Эл аралык стратегиялык изилдөөлөр институтунун маалыматы боюнча, 2023-жылы дүйнө жүзү боюнча 183 аймактык чыр-чатактар болгон. Бул акыркы 30 жылдагы эң жогорку көрсөткүч.
Окумуштуулар Кытай менен Тайвандын ортосундагы кагылышуу коркунучуна, ошондой эле Жакынкы Чыгышта согуштун жайылуу коркунучуна көңүл бурушту.
Чек ара чатактары дүйнөнүн бардык жеринде болуп жатканы белгиленди. Орус-украин чатагы уланууда, Азербайжан Тоолуу Карабакты көзөмөлгө алды, Россия менен Грузиянын ортосундагы чыңалуу сакталып турат Алжир менен Марокконун мамилеси азыр да начар. Пакистан менен Индиянын мамилелери коркунучтуу чекке жетти.
Өткөн жылга салыштырмалуу чыр-чатактын курмандыктары 14 пайызга, зордук-зомбулукка кабылгандардын саны 28 пайызга өскөн. Дүйнөдө Эл аралык Кызыл Крест комитетинин маалыматы боюнча, жергиликтүү же аймактык үстөмдүк кылган 459 куралдуу топтор бар. Алар толугу менен же жарым-жартылай 195 миллион адамды башкарат. Тараптардын ортосундагы пикир келишпестиктер климаттык кризистен улам курчуп баратат.
Уюмдун ичиндеги өлкөлөр ортосундагы тирешүүдөн улам БУУнун таасири солгундап кеткен.
