“Барселона” клубу паракорчулук менен айыпталууда

Испаниянын Королдук футбол федерациясынын калыстарынын техникалык комитетинин мурдагы вице-президенти Хосе Мария Энрикестин чуулгандуу иши боюнча «Барселона» футболдук клубу паракорчулукка айыпталууда. Айыптарды Барселонанын тергөө сотунун башчысы Хоакин Агирре койгон.

Испаниялык басылмалардын маалыматына караганда, тергөөчү  футболдук клубду  Энрикестин компанияларына 7,5 миллион евро төлөп, мыйзам бузду деп айыптаган. Бул сумма 2001-2018-жылдар аралыгында которулган

Клубдун мурдагы президенттери Сандро Россел менен Хосеп Бартомеуго, ошондой эле Энрикес менен анын уулу Хавьерге айып тагылган. Соттун экс-кызматкери бул төлөмдөрдү сот маселелери боюнча консультациялар үчүн төлөм катары түшүндүрдү.

Энрикестин айтымында, «Барселона» ага алар катышкан беттештер атаандаштын пайдасына эмес, калыс бааланышы үчүн кайрылган.