Кыргызстандын грек-рим күрөшү боюнча жаштар курама командасынын мүчөсү Жантөрө Мырзалиев Амман шаарында (Иордания) өтүп жаткан Дүйнө чемпионатында күмүш медаль тагынды. Бул тууралуу Дене тарбия жана спорт департаментинен билдиришти.
Маалыматка ылайык, спортчу 63 кг чейинки салмакта катышты. Алгач 1/8 финалдык беттешинде беларус балбанын 10:1 эсебинде жеңди. 1/4 финалдык беттешинде АКШнын балбанын 8:5 эсебинде жеңди.
Жарым финалдык беттеште казакстандык балбанды 14:7 эсебинде жеңип, ал эми алтын медаль үчүн беттеште Ирандан келген балбанга жеңилип калды.
