“Сапат” эл аралык билим берүү мекемесинин жетекчилери 29-30 март күндөрү ” BETT London 2023″ дүйнөдөгү эң ири билим берүү технологияларынын көргөзмөсүнө катышып келишти.
Иш сапарынын жана көргөзмөгө катышуунун максаты билим берүү тармагындагы өнүмдөр жана дүйнөлүк алдыңкы тажрыйбалар менен таанышуу, билим берүү тармагындагы дүйнөлүк бренддер менен кызматташуу болду.
Bett – бул билим берүү технологияларынын глобалдык коомчулугу болуп саналат. «BETT London 2023» көргөзмөсүнө 123 өлкө, 130 миң катышуучу катышты жана 600дөн ашуун билим берүү технологияларынын жана ресурстарынын инновациялык жеткирүүчүлөрү алдыңкы, натыйжалуу өнүмдөрү менен кызматтарын демонстрациялашты. Көргөзмөнүн катышуучулары ар түрдүү билим берүү шарттар, милдеттер жана бюджеттер үчүн – глобалдык технологиялык компаниялдардан баштап белгилүү билим берүү бренддери менен стартаптарына чейин чечимдерди таба алышат.
Каныбек Сапаров
