Билим берүү жана илим министрлиги Ысык-Көл облусунун Ак-Суу районундагы мектеп-гимназиянын окуучусу менен болгон кайгылуу окуяга байланыштуу комментарий берди.
Министрлик кабарлагандай, Ак-Суу райондук билим берүү бөлүмү 2024-жылдын 20-февралында Ак-Суу районундагы мектеп-гимназиянын 6-классынын окуучусунун өз өмүрүнө кол салганы тууралуу маалымат берген.
“Окуучунун өз өмүрүнө кол салуусунун себептери белгисиз. Курдаштары жана мугалимдери менен чыр-чатак болгон эмес. Мектепте жүрүм-турум жөнүндө класстык сааттар дайыма өткөрүлүп турат, социалдык педагог суициддин алдын алуу боюнча иштерди алып барган”, — деп айтылат маалыматта.
Кыргызстандын китеп фондусу толукталды
Кыргызстандын китеп фондусу 19 млн 485 миң 725 нусканы түзөт. Бул тууралуу Маданият, маалымат, спорт жана жаштар саясаты министрлигинин коллегиясында айтылды. Маалыматка ылайык, 2023-жылы фонд 64 миң 895 нускага толукталган. Окурмандардын саны 1 млрд 223 миң 191 адамды түзүп, 2022-жылдын ушул мезгилине салыштырмалуу 18 миң 23 адамга көп болгон. Бөлүшүү:
