КИПР Түрк Республикасынын президенти Эрсин Татар Азербайжан зыяратынан кийин Кыргызстанга келди. Ал Манас Кыргыз-Түрк Университетинин, “Түрк дүнүйөсүнүн инженерлер бирлигинин” жана “Экоавразия фондунун” колдоосу менен уюштурулган “Кыргызстанда энергетикалык инвестицияны өнүктүрүү жана колдоо” деп аталган Эл аралык конференцияга катышуу үчүн келген.
Белгилүү журналист Сейфуллах Түрксойго берген кыска маегинде, “биз КИПРдык түрктөр Түрк дүнүйөсүнүн Ак-Деңиздеги уландысыбыз. Тарыхый ата мекенибиз болгон Кыргызстан жылуу маанайда тосуп алды. Өлкөнүн президенти Садыр Жапаровго жана Кыргыз элине ыраазычылыгымды билдирем”,- деген.
Эрсин Татар конференцияда сөз сүйлөп жатып, “бүгүн мен үчүн тарыхый күн. Бизди жылуу маанайда тосуп алган ата журтубуз Кыргызстанда, Бишкекте, Манас Кыргыз-Түрк Университетинде жана Теңир Тоонун койнунда сиздер менен жолугушуп отурганга аябай толкунданып турам. Кыргызстан биз үчүн аябай кымбат өлкө. 11-ноябрь 2022-жылы урматтуу президент Садыр Жапаров бизди КИПР мамлекетин Түрк тилдүү өлкөлөрдүн уюмуна байкоочу катары катышуу сунушун берген. Биз бул үчүн аябай ыраазычылык билдиребиз”,- деп кошумчалаган ал.
Сейфуллах Түрксой журналист