Дүйшөмбү күнү социалдык комитеттин жыйынында “мамлекеттик жөлөк пул” боюнча маселе каралып жатса, министрлер кабинетинин төрагасынын орун басары Эдил Байсалов “бул мага тиешеси жок деп” жыйындан чыгып кеткен. Мындай маалыматты депутат Аида Исатбек кызы билдирди.
“Ал мурдагы кечирим сураганын унутуп, депутаттар менен кайым айтышат жана жыйналыштарды үзгүлтүккө учуратат”,- деди. Төрага Нурлан Шакиев “министрлер кабинетинин башчысынын орун басарынын мындай жүрүм – туруму өтө өкүнүчтүү. Биз буга сөзсүз чара көрөбүз. Ал өткөндө акыркы жолу деп кечирим сураган. Жакында биз чечим кабыл алабыз, ар ким өзүнүн жүрүм – турумуна жооп бериши керек”,- деп айтты.
Эскерте кетсек, дүйшөмбү күнкү соцкомитеттин жыйынында Эдил Байсаловдун депутаттар менен кайым айтышкан видеосу тарап, коомчулуктун кыжырын келтирген.