Нарын шаарындагы Муратбек Субагожоев атындагы лицейдин 10-классынын окуучусу Алихан Айдарбеков Венгрияда өткөн билим жарышында коло медал тагынды. Ал Сегеде шаарындагы информатика боюнча бүткүл дүйнөлүк олимпиадага катышып, Кыргызстандын намысын талашкан. Олимпиадада 90 өлкөдөн 355 окуучу күч сынашты. Кечээ Нарын облусунун губернатору Алтынбек Эргешов аны кабыл алып, ыраазычылык кат тапшырып, планшет белек кылды.
Алихан учурда кыргызча, орусча, түркчө жана англисче эркин сүйлөйт. Келечекте Европадан билим алууну кыялданат.
Нарын шаарындагы Муратбек Субагожоев атындагы лицей “Сапат” Эл аралык мекемелерине таандык.