Чемпиондор Лигасынын тайпалык баскычынын 4-турунда “Копенгаген менен Манчестер Юнайтеддин” беттешинде Палестинанын желегин көтөргөн адам талаага чуркап чыкты.
Бул эпизод беттештин алгачкы мүнөттөрүндө болду. Бир киши талаага Палестинанын желегин башына кармап чуркап чыкты. Желекте “Газада балдардын өлтүрүлүшү токтотулсун” деп жазылган. Талаада бир нече секунддан кийин аны тартип сакчылары кармап алышты.
Эске салсак, Чемпиондор Лигасынын тайпалык баскычынын үч турунан кийин “Копенгаген” бир упай топтоп, “А” тайпасында акыркы орунда турат.Өз кезегинде ушунча оюндардан кийин “Манчестер Юнайтед” үч упайга ээ болуп, үчүнчү орунда келе жатат.