Президент Садыр Жапаров Нью-Йорк шаарында өтүп жаткан БУУнун Башкы Ассамблеясынын 78-сессиясынын Жогорку деңгээлдеги жумалыгынын иш-чараларына катышуунун алкагында Финляндиянын президенти Саули Ниинистьё менен жолугушту.
Анда эки элдин мамилесинин жогорку деңгээлге чыгышына кызыктар экендигине токтолду. “Абдан тажрыйбалуу саясатчы Өмүрбек Текебаевди элчи катары жөнөтүп, ага мамилелерди чыңдоо боюнча тапшырма бердик”,- деди президент. Өз кезегинде Саули Ниинистьё мырза да, кыргыз-финляндия мамилелеринин чыңдалышына кызыктар экенин билдирди.
