“УКМК мамлекеттик казынага 1 миллиард 200 миллион доллар акчаны кайтарды”,- деп билдирди УКМК төрагасы Камчыбек Ташиев Талас облусуна болгон иш сапары учурунда. Ал өзгөчө кызматтын кызматкерлерине жаңы салынган турак жайдын ачкычын тапшырып жатып, УКМК кызматкерлеринин эмгеги ат көтөргүс деп баалады.
“Эгер Талас аймагы боюнча кандайдыр бир криминалдык элементтер баш көтөрүп, элдин жана мамлекеттин коопсуздугуна коркунуч келтириле турган болсо, анда, силерге мен чара көрөмүн. Шарттар түзүлдү, бардык райондордо имараттар жаңыланды, турак жай маселеңер да чечилди. Эми талыкпай иштешиңер керек”,- деди.