Түштүк Африка өлкөсү мусулман мамлекеттерине өрнөк болуучу аракетин жасады. Бүгүн, 22-ноябрда парламенти Израил менен болгон дипломатиялык байланыштарын үзүп, Израилдин элчилигин жабууну буюрду.
Алар мындай кадамга Израилдин Газа тилкесиндеги кыргыны себеп болгону менен түшүндүрүштү. Өткөн айда Түштүк Африка Израилдин Палестиналык тургундарды бомбалаган аракетин эң биринчилерден болуп айыптаган эле.
Белгилей кетүүчү нерсе, ушул кезге чейин Израил менен бир дагы мусулман өлкө же, арап мамлекеттери мамилесин үзө элек.