“Раимбек Матраимовдун айрым жан жөкөрлөрү Жогорку Кеңешке чейин келип үлгүрүшкөн. Алардын атын атагандан коркпошубуз керек. Алар боюнча бүт далилдер чогулган жана алар уурулугун моюндашкан”,- дейт белгилүү журналист Али Токтакунов.
“Маселен, депутат Нурлан Ражабалиев Раимбек Матраимовдун атынан кантип иш жүргүзгөнүн биздин күбөлөр далилдешкен жана ал соттун чечиминин негизинде 12 млн сом мамлекетке төгүп берген”,- деди. Али Токтакунов билдиргендей, Раимбек Матраимовдун дагы бир оң колу делген Абдывахаб Боронбаев Жогорку Кеңеште депутат болуп олтурат.
Тамырлашкан Бажыдагы коррупция менен болгон күрөш эми Жогорку Кеңеште уланабы?