Израил менен ХАМАС кыймылынын ортосундагы согуш башталгандан бери Газа тилкесинде көз жумган журналисттердин саны 101ге жеткенин Газа медиа кеңсеси билдирди. Декабрдын башында Журналисттерди коргоо комитети (CPJ) алардын санын 63 деп билдирген.
Газадагы салгылашуулардын 101-курмандыгы палестиналык басылмалардын биринин кабарчысы Ахмед аль-Мадхун болгон. Ал анклавдын түндүк бөлүгүндө жайгашкан аймакта аткылоого кабылган.
Израил менен ХАМАСтын ортосундагы жаңжал 7-октябрда башталган. Анда 1,2 миң израилдик өлүп, 5,4 миңи жарадар болгону маалымдалган.
Газа тилкесинин Саламаттыкты сактоо министрлиги 19 миң киши согуштун курмандыгы болгонун кабарлады.
