Сегиз жаштагы британиялык Бодхана Сиванандан Европанын рапид жана блиц боюнча чемпионатында кыз-келиндер арасындагы таймашта чоңдордон турган шахматчыларды утуп, баш байгени жеңип алды.
.CNN билдиргендей, Хорватиянын Загреб шаарында өткөн турнирде сегиз жаштагы окуучу кыз сенсация жаратты. Ал 13 раунддан турган блиц мелдешинде 555 оюнчунун ичинен эң мыкты 8,5/13 упай топтоду. Ошол эле учурда турнирге шахмат боюнча 48 гроссмейстер жана 50 эл аралык спорт чебери катышты.
Турнирдин уюштуруучулары “супер таланттуу” деп сыпатталган Бодхана Сивандан бир эл аралык мастерди жана бир ФИДЕ мастерин утуп алды. 2316 упайды түзгөн рейтинг боюнча ал көптөгөн чоң спортчулардан алдыга озуп чыкты. Акыркы турда сегиз жаштагы кыз британиялык атактуу шахматчы, машыктыруучу жана шахмат китептеринин автору 39 жаштагы Лорен Д’Костаны утуп алды. Акыркы жана чечүүчү раундда ал оюнду тең чыгууга кыскарта алды.
