Роскосмостун жетекчисинин орун басары Максим Овчинников 40 жашында көз жумду. Ал катуу оорудан жапа чегип жүргөндүгү тууралуу компаниянын экс-жетекчиси Дмитрий Рогозин билдирди.
“Максим Овчинников катуу оорудан кийин каза болду. Таланттуу жаш экономист жана администратор. 2018-жылы мен аны “Роскосмос” мамлекеттик корпорациясына биринчи орун басарлыкка чакыргам. Буга чейин ал иштеген Федералдык монополияга каршы кызмат аны араң коё берди. Аны абдан баалашкан”,-деп жазды Рогозин Telegram баракчасына.