Бразилиялык атактуу футболчу Роналдиньо Кыргызстанга келерин өзү билдирди. Ал видео кайрылуу жасады.
«Салам Кыргызстан. «Барса» расмий Кыргызстанда. Мен «Барса» легендалары менен кошо 3 күн сиздер менен болом. Жашасын Барса! Жашасын Каталония! Жашасын Кыргызстан!», — деди ал.
Кыргызстанга Роналдиньо менен испаниялык футболчу Карлес Пуйоль жана аргентиналык футболчу Хавьер Савиола да келишет. Алар «Барселона» клубунун КМШдагы футбол академиясынын ачылышына катышат. Иш-чара 28-30-август күндөрүнө белгиленген.
