Россияда ар кандай кассеталык бомбалардын жетиштүү запасы бар экенин, андай ок-дарыларды Украина колдонсо, орус армиясы жооп кайтарышы мүмкүн экенин президент Владимир Путин журналист Павел Зарубин менен болгон маегинде билдирди.
Путин АКШнын украин армиясына кассеталык бомбаларды жеткирип жатканына комментарий берип жатып Ак сарайдын администрациясы мындай снаряддарды колдонууну кылмыш деп атаганын эске салды.
Путин ошондой эле Украинага кассеталык бомбаларды жеткирүү башталганын, Украинанын Куралдуу күчтөрү ок-дарылардын жетишсиздигине дуушар болуп жатканын кошумчалады.
7-июлда АКШнын улуттук коопсуздук боюнча кеңешчиси Жейк Салливан Украинага кассеталык бомбаларды жеткирүү башталганын билдирген.
