Россиянын президенти Владимир Путин 17-октябрда Кытайдын төрагасы Си Цзиньпиндин чакыруусунда эки күндүк иш сапары менен Пекинге келди. Кытайга болгон иш сапарынын алкагында ал «Бир алкак, бир жол» форумунда сөз сүйлөйт.
Сапардын биринчи күнүндө мамлекет башчы форумга келген кесиптештери менен эки тараптуу жолугушууларды өткөрөт. Вьетнамдын президенти, Таиланддын премьер-министри, Монголиянын президенти жана Лаостун президенти менен сүйлөшүүлөрдү жүргүзүү пландаштырылууда.
Путин Кытайдын төрагасы Си Цзиньпин жана форумга катышкан делегация башчылары менен расмий жолугушуу аземине катышат.
Форумдун ачылыш аземинен кийин орус-кытай сүйлөшүүлөрү пландалууда. Андан соң Путин форумдун алкагында бир катар жолугушууларды улантат.
