Орусиялык спортчулар 2024-жылы өтө турган Олимпиада оюндарына жеке мүмкүнчүлүктөрү менен бара алат. Бул тууралуу Орусия президентинин басма сөз катчысы Дмитрий Песков билдирди.
Ал муну профессионал спортчуларга жогорку деңгээлде кармап туруу үчүн керек экендиги менен түшүндүргөн.
«Албетте, биз спортчуларыбыздын деңгээлин кармап турушубуз керек, муну эл аралык мелдештерсиз ишке ашыруу мүмкүн эмес. Анткен менен бул оюндарга жеке катары катыша турган спортчулар болот. Мен буга ишенем, ушундай жол менен катышкыла», – деп билдирди Песков.
Ошол эле учурда мамлекет башчынын басма сөз катчысы учурда эл аралык сынактарды өткөрүүнүн альтернативдүү форматтарын издөө иштери жүрүп жатканын белгиледи.
