Өлкөдөгү билим берүүнүн фрагманы аталган “Сапат” билим берүү мекемелери калктын үмүтүнө айланууда. Эл аралык билим олимпиадаларында алтын, күмүш жана коло медалдарды багындыргандар “Сапаттын” окуучулары экендиги мекемеге сыймык алып келди. Өткөн айда Министрлер кабинетинин төрагасы Акылбек Жапаров “Сапаттын” Эл аралык жеңүүчүлөрүн сыйлап, билим берүү тармагына кошкон салымына ыраазычылыгын билдирди.
Ата-энелер жана жалпы эле Кыргызстандыктар “Сапаттагы” билим берүүнүн жаңыча ыкмаларына, окуу куралдарынын жетиштүүлүгүнө, тарбиячылардын инновациялык технологиялар аркылуу сабак окуткандыгына, педогогикалык жетишкендигине ыраазычылык билдиришүүдө.
Кимдер эмне дешти?
К. Омаров, ата эне:
– “Сапатта” кызым жана балам окуйт. Булардын тарбиясы, сабак окутуу стили башкача. Ийгилик каалайм.
Г. Өмүрова, ата-эне:
– Баламы бергенбиз, олимпиадагы катышып жатат. Жакшы окутушат.
Н. Маматова, ата-эне:
– Балдар, кыздарым “Сапаттан” окуп, бүтүп кетишти. Азыр Москвада Жогорку окуу жайда окуп жатышат. Дагы окугандары бар. Буларда окугандар башка мектептерге алымсынбай калышат турбайбы.
Б. Полотов, жумушчу:
– Каражатына карабай баламы ушуларда окутуп жатам. Тамактарын да жакшы беришет экен. Бизде шарт болбоду, эми балдарыбыз “Сапатта” окуп, жакшы кесиптин ээси болсун деген тилек.
М. Исакова