Бразилиялык чабуулчу Неймар 2024-жылкы Америка Кубогуна катышпайт. Бул тууралуу Улуттук кураманын дарыгери Родриго Ласмар билдирди.
Октябрь айында 31 жаштагы футболчунун тизесинин кайчылаш байламы үзүлүп, андан кийин ага операция жасалган. Калыбына келтирүү мезгили болжол менен он айга созулат.
“Неймардын талаага кайтып келиши жөнүндө айтууга али эрте. Ашыкча тобокелчиликке баруусуна эч кандай пайда жок. Менимче, ал Европада жаңы сезондун башталышы менен келерки августка чейин кайра оюнга чыга албайт. Биз чыдамкай болушубуз керек», – деди дарыгер.
2024-жылы Америка Кубогу 20-июндан 14-июлга чейин өтөт.
